Dr. Joachim (tanga’) guminambar pongingitanan miampai di Isnin (gibang) om i Stanley ontok tadau kumoiso’ id upis disio id KKTP.
KOTA KINABALU: Kumoduo Boyoon Montiri po nogi’ Montiri Koporintaan Koiyonon om Pomuwalaian (KKTP), Datuk Seri Dr. Joachim Gunsalam nokorikot di jam ko 10 kosuabon ontok tadau kumoiso’ disio suminuang doid upis KKTP do hiti.
Kinorikotan di Dr. Joachim sinuau di Monguhup Montiri, Datuk Isnin Aliasnih miampai tongo’ upisor Komontirian om nonuan kopointalangan di Kumoduo Monunurat Pointatap i Komontirian, Stanley Chong.
Pogulu diti, Dr. Joachim mongigit portfolio sabaagi Montiri Kopotundaan Pomorunan (MID) i baino’ diti nigitan di ADUN Luyang, Phoon Jin Zhe.
Nokotindapou nogi’ i Monunurat Pulitik KKTP, Yubidi Gompoyo nogi’ tongo’ upisor di Dr. Joachim.
