Ewon (tanga’) miampai upisor tangakawas SKMM Sabah ontok kinotombuluyan id upis SKMM Sabah, Kota Kinabalu.
KOTA KINABALU: Kobolingkahangan koonuan internet i amu songkuro kosontob id watas Parlimen Penampang om Lintuhun Koundangan Pogun (DUN) Kadamaian nakaramit kopomodulianan mantad di Datuk Ewon Benedick, mobi’ rayat watas dilo’.
Ewon po nogi’ Montiri Koburuon Mongungusaha’ om Koperasi pinoposiwat timpu tuminindapou id upis Suruhanjaya Piromutan Multimedia Malaysia (SKMM) do hiti di tadau Koduo montok minokinongou kopointalnagan kokomoi hal ngaawi’ koonuan internet id goduduo watas di obian disio.
Kopointalangan Ponorisidan Koonuan Piromutan (Analisis Liputan Komunikasi) montok kokompungan id watas Penampang om Kinapawaladan Kopoindalanan Palan Jalinan Digital Negara (Jendela) id Sabah pinatahak di Potunud SKMM Pogun Sabah, Izani Othman, Potunud (Kopotundaan) SKMM Sabah, Reuben James Pailus om Potunud (Kawalselia), Suhaila Jaffar.
Nokotindapou nogi’ i Kumoduo Potunud (Unit Pamalanan om Kopoindalanan Infrastruktur), Muhammad Rizal Abdul Lani om Kumoduo Potunud (Unit Panamangan Kualiti), Izan Afzan Selamat.
Tumanud ponorisidan koonuan piromutan montok ruputan kokompungan id watas Penampang mantad 21 kampung i kiharo kobolingkahangan internet, pipiro kampung nokosuang no id palan kapamanasaian ‘menara’ wagu JENDELA Fasa 1.
Menara wagu id sahau Palan JENDELA Fasa 1 nopo nga’ Kg.Kipouvo, Kg.Timpangoh, Kg.Kibunut, Kg.Togudon, Kg.Buayan om Kg.Timpangoh Sugud.
Naamot projik ‘Broadband Wireless Access (BWA) nopo nga’ id Kg.Buayan, Kg.Kibambangan om Kg.Sarapong.
