Hajiji pinapatahak tandamato kuminaa di Dr. Chen ontok kinotombuluyan tinonudan dilo’.
KOTA KINABALU: Boyoon Montiri, Datuk Seri Haji Hajiji Haji Noor i po nogi’ Ponorikohon Kotinanan Mongingigit Tinaru Yayasan Sabah (YS) minamaramit kotombuluyan mantad Institut Jantung Negara (IJN) id upis disio doid Menara Kinabalu, do hiti, konihab.
Tinonudan IJN binuruan di Ponorikohon dilo’, Dato’ Sri Dr. Chen Chaw Min, Luguan Eksekutif Tinimungan, Prof. Dato’ Sri Dr. Mohamed Ezani Md. Taib, Luguan Upisor Eksekutif IJN College, Prof. Emerita Dr. Durrisah Idrus, Datuk Seri Azhari Yakub om i Haji Muhamad Sabri Haji Said.
Nokotindapou nogi’ i Montiri Koburuon Mogigiyon om Kasasanangan Rayat Pogun i po nogi’ Exco Kolidasan Pogun, Datuk James Ratib, Potunud YS, Dato’ Sri Gulamhaidar Khan Bahadar om Ponorikohon Eksekutif Innoprise Corporation Sdn. Bhd. (ICSB), Datuk Jasnih Daya.
Hajiji nonuan kopointalangan karait angkab IJN montok popoinggayo surupukaraja’ kumaa Sabah id timpu toruhai om papaharo pisokodungan miampai koporintaan pogun maya’ YS.
