Dr. Jeffrey ontok minanahak booboroson disio. – JaPen Sabah
KOTA KINABALU: Kumoduo Boyoon Montiri I, Datuk Seri Dr. Jeffrey Kitingan minoboros, Koporintaan Pogin minaganu ningkakaton magada’ kopoindalanan Puruankuasa Komogoton Desa Madani (JKDM) do Komontirian Komogoton Desa om Watas (JKDW) id Sabah.
Minoboros isio Kabinet Pogun miogiboboros karait JKDM miampai amu poimbida’ om kohimagon ilo’ magada’ kopoindalanan dilo’ id Sabah.
Suai ko’ ilo’ ka disio, Koporintaan Pogun nga’ poporikot nogi’ do ningkakaton diolo’ kohondot haal diti kumaa di Luguan Montiri Datuk Seri Anwar Ibrahim soira’ disio korikot id Sabah montok popohimgon pomupusan Ramai Kaamatan 2024 do ko 31tw Kolimo.
Yoho’ sondiri’ sabaagi mongobi Koporintaan Pogun id Puruankuasa Teknikal Pibatosan Malaysia (MA63) nokopokianu mooi diti do amu’ poindalanon id Sabah, sabab amu ilo’ pinoindalan doid Sarawak. Pologoson ilo’ dobpoindalanonid Semenanjung nopo.
“Sabab id Sabah, haro no Puruankuasa Komogoton om Koumoligan Kampung (JKKK) tokou sondiri, haro toi do monuridong tokou po kawagu do iso’ po tu’ okon nopo ko’ kopomurilong do mogigiyon nga nogi’ kopongurias mogigiyon dati’.
“Dadamot do mogigiyon tokou noondo diti poimpasi id koyuon di otoronong om oulud.
“Mantad dilo’ yati’ (Koporintaan Pogun) magada’ miampai pohimagon. Poporjlikot tokou nogi ningkakaton Koporintaan Pogun kohondot haal diti soira i Luguan Montiri korikot id Sabah do ko 31tw Kolimo,” ka disio id kapahabaran media i pinaharo kopihondot kapamaramaian Ramai Kaamatan Nayatan Pogun Sabah 2024 id Wisma Pertanian Sabah, do hiti, di tadau baino.
