Tun tuminabi’ miampai di Dr. Joachim (kotolu, wanan), Linda (koduo, wanan) om i Henry (wanan) ontok kinorikotan doid Tutubpoon Kapal Tumulud Sandakan.
SANDAKAN: Molohingon Pogun Sabah Tun Juhar Mahiruddin om sawo, Toh Puan Norlidah R.M Jasni nokorikot id Sandakan di jam ko 10.40 kosuabon baino’.
Tun Juhar om Toh Puan Norlidah noulud tumindapou Ababayan ‘Jamuan Teh Miampai Tangaanak om Tanak Yaim’ kopihondot Kapamaramaian Kouliton Toun Kinosusuon Pinotomod Ko-70 di Molohingon Pogun Sabah id songinan hotel nointutunan minimpuun di jam ko 2 talib tanga’adau.
Kinorikotan di Tun Juhbar om Toh Puan Norlidah id Tutubpoon Kapal Tumulud Sandakan sinuau di Kumoduo Boyoon Montiri II, Datuk Seri Dr. Joahcim Gunsalam i po nogi’ Ponorikohon Puruankuasa’ Induk pamaramaian om sawo, Datin Seri Linda Ewit, ADUN Sungai Manila, Datuk Mokhra Ingkat, Presiden Kounsol Kakadayan Sandakan Henry Idol om i Ponorikohon Puspanita Watas Sandakan, Phillis Tamin.
Suab, i Toh Puan Norlidah miampai Konsul Jeneral Republik Rakyat China id Kota Kinabalu Dr. Huang Shifang pikikiro papaharo kotombuluyan pinotomod kumaa Longkod Intodonon (Pusat Sumber) Nur Jauhar id Sikul Kabansaan Sipinong.
