Hajiji (koduo, gibang) om tombului pinotomod suai miampai di Kebawah Duli Yang Maha Mulia (KDYMM) Paduka Seri Baginda Sultan Haji Hassanal Bolkiah Mu’izzaddin Waddaulah, Sultan om Yang Di-Pertuan Negara Brunei Darussalam id Ababayan Moginakan doid Istana Nurul Iman, Bandar Seri Begawan, konihab.
KOTA KINABALU: Boyoon Montiri, Datuk Seri Hajiji Haji Noor om sawo, Datin Seri Juliah Salag nopo nga wookon di tombului pinotomod i tuminindapou Ramai Moginakan Kopihondot Tadau Kinosusuon Ko 77 Kebawah Duli Yang Maha Mulia (KDYMM) Paduka Seri Baginda Sultan Haji Hassanal Bolkiah Mu’izzaddin Waddaulah, Sultan om Yang Di-Pertuan Negara Brunei Darussalam id Istana Nurul Iman, Bandar Seri Begawan, Brunei Darussalam, konihab.
Ababayan dilo notindapou nogi di Yang di-Pertua Pogun Sabah, Tuan Yang Terutama Tun Juhar Haji Mahiruddin om sawo, Toh Puan Dr. Hajah Norlidah R.M. Jasni.
Di tadau Koonom, io’ Hajiji dii Juliah tuminuka’ di Sultan Haji Hassanal Bolkiah om KDYMM Paduka Seri Baginda Raja Isteri Pengiran Anak Hajah Saleha binti Al-marhum Pengiran Mohamed Alam id Istana Nurul Iman.
Tuminindapou po nogi yolo’ Ramai Tumoguang om Kinapamaga’an Bintang-Bintang Kapantangan Pogun Brunei Darussalam om Ababayan Kapantangan id Taman Haji Sir Muda Omar Ali Saifuddien.
