PRN17 Sabah: Pomungaranan calun 15tw Kohopod om Iso’, pongundian ko 29tw Kohopod om Iso’
KOTA KINABALU: Suruhanjaya Pomilian Agayo (SPR) pinapatantu’ tadau pomungaranan calun montok Pomilian Agayo Pogun (PRN) ko-17 Sabah pohoroon do ko 15tw Kohopod om Iso’ diti, naamot tadau pongundian nopo nga’ kapanau do ko 29tw Kohopod om Iso’.
Ponorikohon dilo’, Dato’ Sri Ramlan Harun pinapahabar haal dilo’ id kapahabaran media i pinaharo do hiti, di tadau baino’.
Kinapahabaran dilo’ winonsoi nosusuhut kinopomohuyasan Lintuhun Undangan Pogun (DUN) Sabah ko-16 di ko 6tw Kohopod katatalib.
Ka di Ramlan, undi osopung pinatantu’ do ko 25tw Kohopod om Iso’.
