KOTA KINABALU: Tulun ginumuan alapon mamaramai Pamaramaian Tadau Kobilangan (Hari Pahlawan) Nayatan Pogun Sabah Toun 2025 id Dataran Kawad Longkod Upis Pulis Kontinjen Sabah, do tadau Kaapat diti.
Kapamaramaian dilo’ pohimogonon di Molohingon Agayo Pogun Sabah, Tun Musa Aman mimpuun jaam ko 8 kosuabon om otindapou nogi’ di Boyoon Montiri Sabah, Datuk Seri Haji Hajiji Haji Noor.
Pesuruhjaya Pulis Sabah, Datuk Jauteh Dikun om pipiro mobi’ koupisan om kotinanan pogun om Pisompuruan nokotindapou minooi intong ‘raptai’ kapamaramaian dilo’, di tadau baino’.
Wookon di koimbayan, pokikitanan pancaragam i kapaamung tolu tinimungan ilo’ nopo nga’ PDRM, ATM om Susumangod Tindal Malaysia (TDM) i buruanon di Inspektor Willbonoh Zain nogi’ kaparangahan koir mantad Koisaan Paganakan Pulis Sabah (PERKEP) om Tinan Kotundunan Paganakan Tinimungan Susumangod (BAKAT).
