KOTA KINABALU: Boyoon Montiri, Datuk Seri Haji Hajiji Haji Noor, minampai di Luguan Montiri (PM), Datuk Seri Anwar Ibrahim id Mitingan Konsultasi Tounan Malaysia-Indonesia ko-13 i nakapanau doid Istana Merdeka, Jakarta, di tadau baino’.
Id kinorikotan doid istana, i Luguan Montiri pinopointutun di Hajiji kuminaa di Presiden Indonesia, Prabowo Subianto.
Nokotindapou nogi’ i Premier Sarawak, Tan Sri Abang Johari Tun Openg. (Gambar)
Hajiji tinanud di tinonudan otuo koporintaan pogun kapaampai di Monunurat Koporintaan Pogun, Datuk Seri Sr. Safar Untong; Luyar Agayo Pogun, Datuk Brenndon Keith Soh; Monunurat Haal Suang Pogun om Ponolidikan, Datuk Awang Shaminan Ag. Sahari; nogi’ Potunud Koupisan Tana’ om Sukat, Datuk Bernard Liew.
Hajiji om tinonudan disio nokorikot id Jakarta di konihab om tuminindapou nogi’ do mitingan ‘pra-majlis’ i nirikohon di Luguan Montiri sabaagi posodiaan montok konsultasi misulak dilo’.
Mitingan Konsultasi Tounan Malaysia-Indonesia nopo nga’ koiyonon oponsol monotk monginggirot piromutan diplomatik, ikonomi om piuhupan koburuon id pialatan goduduo pomogunon.
