Hajiji sinuau do mogigiyon Rungus id kinorikotan doid Ramai Kinopoimaganan Festivsal Koubasanan Rungus Sabah 2025.
KOTA MARUDU: Koporintaan Pogun tumopot momogompi’ tataba’ koubasanan tinaru id Sabah i opuawang do tungkusan seni om tadat kinoubasanan di olumis om kigatang akawas.
Boyoon Montiri (KM), Datuk Seri Haji Hajiji Haji Noor minoboros, inggisaman mononduli’ gompi’ koubasanan mogisuai tinaru oponsol montok papatantu’ kointutunan pgoun kotilombus ogompi’ om opotungkusan kumaa sinakagon dumontol.
“Koporintaan pogun tumilombus monokodung om monguhup kotinanan tinaru id inggisaman manamong haal kaadat-adaton, seni om koubasanan sompoopori.
“Koubasanan okon nopo ko’ tataba’ kisinusuyan kahandaman, nga nogi’ ‘aset’ koburuon i kiguno umoligan,” ka disio ontok pinopoimagon Festival Koubasanan Rungus Sabah 2025 id Longkod Koubasanan Rungus Sabah, Jalan Teringai, do hiti, di tadau baino’.
Boyoon Montiri minoboros, koubasanan om tungkusan tinaru miagal mogigiyon Rungus okon ko’ kinoubasanan nopo, nga nogi’ aset oponsol pisompuruan om pongimbayatan ponombuluyan. Ilo’ nga’ koposuni nogi’ do sunduan ginaras kinoulunon om kaandasan id nayatan sukod wagu.
