Tun Musa miampai di Hajiji om montiri kabinet id Istana Seri Kinabalu.
KOTA KINABALU: Boyoon Montiri, Datuk Seri Haji Hajiji Haji Noor om sawo, Datin Seri Juliah Salag tuminindapou pinamaramaian Tadau Raya i pinaanjur do Molohingon Agayo Pogun, Tun Musa Aman om sawo, Toh Puan Faridah Tusin id Istana Seri Kinabalu di tadau baino’.
Hajiji (gibang) om Juliah Salag (wanan) miampai di Tun Musa (koduo, gibang) om Toh Puan Faridah (koduo, wanan) id Istana Seri Kinabalu.
Di doun kosuabon, io’ Hajiji di Musa miampai rayat pinopoindalan Solat Sunat Aidilfitri id Masjid Pogun.
Nokotindapou nogi’ id Istana Seri Kinabalu i Speaker Lintuhun Undangan Pogun, Datuk Kadzim M Yahya, tongo’ Kumoduo Boyoon Montiri, Datuk Seri Dr. Jeffrey Kitingan, Datuk Seri Dr. Joachim Gunsalam om Datuk Shahelmey Yahya, tongo’ montiri kabinet, Monunurat Koporintaan Pogun Datuk Seri Sr. Safar Untong ngoi’ tongo’ mongunguhup montiri.
Io’ Hajiji dii Juliah miampai pakakaraja’ nogi’ puru Koupisan Boyoon Montiri.
Di doun sodopon, Boyoon Montiri pinapaharo walai poingukab Tadau Raya Aidilfitri montok mogigiyon nokoyonon id kinoyonon disio doid Kampung Serusop, Tuaran.
