Masidi Manjun
KOTA KINABALU: Koporintaan pogun di tadau baino’ pinopolulus kapanahakan Ponguhupan Pinotomod Kousinan kiginumu’ RM1,000 kumaa oinsanan pakakaraja’ koporintaan pogun kopihondot karamaian Tadau Raya Aidilfitri om Ramai Kaamatan toun diti.
Montok Kousinan, Datuk seri Masidi Manjun minoboros, ponguhupan pinotomod diti patahakon do duo fasa, ilo’ nopo nga’ RM500 pogulu Tadau Raya Aidilfitri om RM500 kawagu kopihondot Ramai Kaamatan.
Ka disio, kootusan diti kopiongoi di tonggungan koporintaan pogun montok popoinsanang pakakaraja’ koporintaan nogi’ mamagatang kinouhupan diolo’.
“Kootusan diti nookunan id Mitingan Nuludan Montiri Pogun Sabah di tadau baino’. Pambayaran powonsoiyon pogulu pamaramaian Tadau Raya Aidilfitri om Ramai Kaamatan,” ka disio id kointalangan di tadau baino’.
Koporintaan pogun pinopolombus kopongunsikohan kumaa oinsanan pakakaraja’ koporintaan om lumansan do ponguhupan pinotomod diti kounsub diolo’ tumilombus poposindak naangayan surupukaraja’ kumaa rayat.
