Dr. Jeffrey (tanga’) minoboboros miampai di Kumoduo Boyoon Montiri II, Datuk Seri Dr. Joachim Gunsalam (gibang) om i ADUN Kadamaian, Datuk Ewon Benedick pogulu nokotimpuun pitimungan Lintuhun Undangan Pogun (DUN) Sabah di tadau baino’.
KOTA KINABALU: Koporintaan Pogun aiso’ atag montok papaharo zon montok pomogompian ‘lembu’ (sapi) id Sabah, ka di Kumoduo Boyoon Montiri I po nogi’ Montiri Pomutanaman, Ponginsadaan om Pomorunan Akanon, Datuk Seri Dr. Jeffrey Kitingan.
Ka disio, iti mantad no do somok koinsanai koiyonon id Sabah nopo nga’ kosudong montok pomogompian sapi’, om sabah nopo nga’ i tisoiso’ no pogun id ponongkoiyonon diti okon nopo ko’ id Malaysia i poingindai mantad tomporuruol ‘Foot and Mouth’.
“Poingkuro po, nung haro kogunaan do timpu obontol, koporintaan monimbang kapaharaan zon diti,” ka disio id pitimungan Lintuhun Undangan Pogun (DUN) Sabah di tadau baino’.
Dr. Jeffrey minonimbar ponguhotan pinoboros mantad di Datuk Dr. Aliakbar Gulasan (ADUN Sinili) i minuhot nung kiatag koporintaan montok papaharo zon pinotomod montok pomogompian sapi id Sabah.
