KOTA KINABALU: Boyoon Montiri, Datuk Seri Haji Hajiji Haji Noor minamaramit kinotombuluyan apantang mantad di Luguan Potunud (KP), Kotinanan Pogirotkuasa’ Maritim Malaysia (Maritim Malaysia), Laksamana Muda (M) Datuk Mohd. Rosli Abdullah id upis disio doid Menara Kinabalu do hiti di tadau baino’ (gambar).
Mohd. Rosli sinili kumaa karaja’ dilo’ poinggirotkuasa’ ko 17tw Kosiam 2024. Pogulu dilo’ isio nopo nga’ Ponowoli Kumoduo KP Operasi Maritim Malaysia.
Kaawagu, masaan disio momuruan pamalanan montok popoburu’ Sistem Kapanamangan Rahat (SWASLA) id kowoigan Sarawak om Tisan Kosilahon Semenanjung id inggisaman mongingkawas kogulompoton radar montok manamong koinsanai ponit kapapanahon bot toi kapal di kosusuayan id kowoigan pogun kosuul no id Rahat China Koibutan.
Mohd. Rosli nokoumbal minongigit mogisusuai karaja’ oponsol id Maritim Malaysia kaampai no Potunud Maritim Pogun Selangor, Potunud Ponoriukan Maritim Malaysia, Potunud Pamalanan Strategik Maritim Malaysia, Potunud Maritim Pogun Sabah om Watas Pisompuruan Labuan nogi’ Potunud Bohogian Koumoligan om Kapanamangan Maritim Malaysia.
Nokotindapou nogi’ id kinotombuluyan dilo’ i Potunud Maritim Pogun Sabah om Watas Pisompuruan Labuan, Laksamana Pertama Maritim Datuk Che Engku Suhaimi Che Engku Daik.
