Hajiji (kolimo, gibang) minamaramit toluod RM2 riong mantad di Sabdil om i Edward nogi’ tongo’ puru kotinanan potunud dilo’.
KOTA KINABALU: Kotinanan Pomorunan Gata’ Sabah (LIGS), kotinanan id siriba’ Komontirian Pomutanaman, Ponginsadaan om Pomorunan Takanon Sabah, pinapatahak toluod soginumu’ RM2 riong kuminaa Koporintaan Pogun.
Toluod dilo’ pinoromitan kuminaa di Boyoon Montiri, Datuk Seri Haji Hajiji Haji Noor di Monijor Agayo LIGS, Sabdil Tanjong miampai di Ponorikohon LIGS, Datuk Edward Linggu nogi’ tongo’ puru ngaawi’ potunud dilo’ ontok pinapaharo kinotombuluyan apantang id Menara Kinabalu, do hiti di tadau baino’.
Hajiji ruminamit tandamato mantad di Aris.
Ka di Sabdil, ginumu’ toluod dilo’ nokoingkawas soginumu’ 33 pihatus nung pitopongon di toun nakatalib soginumu’ RM1.5 riong.
Ka disio, toluod diti tumanud naangayan kousinan LIGS di osonong di toun 2023 om kopokitanan sunduan LIGS montok miilang sondikoton do popoburu’ Sabah.
Daamot dilo’, i Hajiji minamaramit nogi’ kotombuluyan apantang mantad di Konsul Republik Indonesia id Tawau, Bapak Aris Heru Utomo doid upis disio di tadau baino’.
Aris pogulu diti poingkaraja’ sabaagi songulun Potunud Tinan Ponuridongan Ideologi Pancasila Republik Indonesia (The Pancalisa Ideology Development Agency) minonowoli di Ibu Heni Hamidah.
