Hajiji suminasi’ di Puru Lintuhun Undangan Pogun (ADUN) Pitas, Dato’ Sri Dr. Ruddy Awah i po nogi’ Luguan Bohogian Gagasan Rakyat Pitas pinapatahak toluod Tabung Tahunan Pendidikan N.13 Pitas kuminaa mongongobi’ sikul.
PITAS: Boyoon Montiri, Datuk Seri Haji Hajiji Haji Noor i po nogi’ Ponorikohon Gabungan Rakyat Sabah (GRS) minoboros, Pomilian Agayo Pogun Ko-17 (PRN17) aanu pohoroon lobi kosopung nung maganu no isio katatapan montok papaharo dilo’ pogulu opupusan timpu Lintuhun Undangan Pogun (DUN) noondo.
“PRN di obontol bobos tohuri do wulan Kohopod toun tiso’, mantad dilo’ maan ku pomusarahai soira’ tokou papaharo PRN.
“Nung osorou ku lobi kosopung, nga’ osopung no, ilo’ pogi’, nuru’ tokou sumosodia’ mantad do noondo,” ka di Presiden Parti Gagasan Rakyat Sabah (Gagasan Rakyat) dilo’ ontok pinopoimagon Mitingan Tikid Toun Gagasan Rakyat Bohogian Pitas id Lintuhun Kounsol Watas Pitas, di tadau baino’.
