Hajiji (kaapat, wanan) minamaramit tandamato mantad di Amirudin ontok minamaramit kinotombuluyan apantang id upis disio doid Menara Kinabalu, Kota Kinabalu, di tadau baino’.
KOTA KINABALU: Boyoon Montiri, Datuk Seri Haji Hajiji Haji Noor minamaramit kinotombuluyan apantang mantad di Montiri Agayo (MB) Selangor, Dato’ Seri Amirudin Shari id upis disio doid Menara Kinabalu, do hiti, di tadau baino’.
Amirudin minomuruan tinonudan Koporintaan Pogun Selangor soignumu’ 160 tulun kapaaampai do tongo’ exco koporintaan pogun, momuruan koupisan, GLC, tongo’ Upisor Watas pinapaharo kotombuluyan karaja’ apat tadau kumaa Sabah minimpuun di ko 21tw Koiso’ 2024.
Hajiji (koduo, wanan) miniboros miampai di Amirudin ontok minamaramit kinotombuluyan apantang id upis disio doid Menara Kinabalu, Kota Kinabalu, di tadau baino’.
Nokotindapou nogi’ i Monunurat Koporintaan Pogun, Datuk Seri Sr. Safar Untong; Monunurat Pointatap Komontirian Kousinan Pogun, Datuk Mohd. Sofian Alfian Nair om Kumoduo Luyar Agayo Pogun (II), Puan Suzumaidah Haji Hussain.
Tinonudan di Amirudin kapaampai di Monunurat Koporintaan Pogun Selangor, Dato’ Setia Haris Kasim; Monontuduk Undang-Undang Pogun Selangor, Dato’ Salim Soib om Upisor Kousinan Pogun, Dato’ Dr. Ahmad Fadzli Tajuddin.
Amirudin nga’ tuminindapou nogi’ do Ababayan Jelajah Mahasiswa #KitaSelangor i pohoroon id Longkod Islam Univositi Malaysia Sabah (UMS) di tadau baino’.
