Kapal Firefly nokorikot id Tutubpoon Kapal Tumulud Tawau
TAWAU: Tawau minonuau kinorikotan pontuludan ‘carter’ kumoinsan kisusuyan mantad Nanjing (NKG), China kuminaa Tawau (TWU) di tadau baino’, nokopokito iso’ po kinalantaion Tutubpoon Kapal Tumulud Tawau, ka di Montiri Ponombuluyan, Koubasanan om Sandad Posorili’, Datuk Christina Liew.
Minoboros isio, Kotinanan Ponombuluyan Sabah (STB) miampai oondos pinapahabar kinotimpuunon pontuludan carter i koporomut Nanjing, China, kumaa Tawau, Sabah do Firefly Airlines, om Tourism Malaysia (TM) nga’ pinapamanau tonggungan id koburuon wawaya’an pontuludan wagu diti.
Ka di Liew, pontuludan carter diti, i po nogi’ pontuludan sompomogunan kumoinsan montok Tutubpoon Kapal Tumulud Tawau, minogowit suminuang 157 susumakai id kinorikotan kumoinsan dilo’ di jaam ko 5.55 minsusuab tadau baino’.
Kumoduo Luguan Potunud (Pemalanan) Tourism Malaysia, Manoharan Periasamy (tanga’) miampai di Pan (id awananan disio), Ginibun (kowalu’, gibang) nogi’ upisor STB om Tourism Malaysia, om tongo’ susumayau koubasanan Sabah id Tutubpoon Kapal Tumulud Tawau.
Minoboros isio, Firefly popoindalan pontuludan carter intolu sominggu, i pinatantu’ korikot doid Tawau tikid tadau Koduo, Kaapat om Ko’onom, miampai rinumpos 540 tindikohon sominggu’ gisom koompokon tulan Kotolu.
“Mamaramit yahai kopio korikotan tongo’ tambalut mantad China om lumansan do kopokito tataba’ koubasanan om sandad pososorili’ Sabah di olumis.
“Kinopoimpuunan pontuludan mitilombus mantad Nanjing kumaa Tawau kointalangan do pongimbayat kinoiyonon dahai mawas-kawas sabaagi rikoton ponombuluyan. Ounsikou oku wawaya’an wagu diti kouhup kumaa kosunion om koburuon Tawau sabaagi ririkoton sompomogunan id ointutunan.
“Do noondo diti, Sabah karamit 42 pontuludan nakatantu’ tikid minggu mantad Beijing, Shanghai, Guangzhou, Shenzhen, Hangzhou om Wuhan kumaa Kota Kinabalu miampai ginumu’ orumpos 7,520 timpohon sominggu,” ka disio id iso’ kointalangan.
Humphrey minangarou dilo tongo’ tutumombului do karou manik kopio.
Ponorikohon Sri Pelancongan Sabah, Ken Pan minongobi’ montiri id ababayan kinopomoromitan dilo’. Tonggungan disio nopo nga’ papatantu’ koturunduson korikotan pontuludan miampai Mongungulud Tutubpoon Kapal Tumulud Tawau id koobian do ejen ponombuluyan id China.
Nokotindapou nogi’ i Monijor Totuo Pidagangan STB, Humphrey Ginibun i minongobi’ Lembaga.
Mogigiyon China i orohian montok mintong kinolumison Tawau kaanu momuking pontuludan diolo’ miampai asanang maya’ mogisusuai kotinanan ponombuluyan id piromutan (OTA) ilo’ nopo Ly.com, Ctrip, Qunar om fliggy.
