Azam Baki (kotolu, gibang) suminasi kinapatahakan Setifikit ‘Apresiasi Penambahbaikan Tata Kelola Agensi’ di Hajiji Haji Noor (koduo, gibang) kumaa Monunurat Pointatap Komontirian Kousinan Sabah, Datuk Mohd. Sofian Alfian Nair (kotolu, wanan) id Kota Kinabalu di konihab.
KOTA KINABALU: Kalawason kousinan koporintaan koinggayo om kopogirotankuasa’an undang-undangn opo nga’ kolomog nung tinonggungan id surupukaraja’ koporintaan amu’ opitamangan poinsonong.
Kohondot dilo’, puru surupukaraja’ koporintaan kiguno papatantu’ tinonggungan id surupukaraja’ toririmo posuulon.
Tumanud Utusan Malaysia, Luguan Pesuruhjaya Kopongilagan Susuap Malaysia (SPRM), Tan Sri Azam Baki minoboros, tumongob isio nung tinonggungan surupukaraja’ amu’ opitamangan do poinsonong, kalawason id kopoindalanan pogun kotilombus aantakan.
“Kopogirotankuasa’an undang-undang okito olomog, modidikot songkosuayan aiso’ kasagaan osimbayan milabus pisuang, kalawason kousinan koporintaan koinggayo, pitorinaan koonuan amu’ oulud nopo nga’ waya’ mantad tinonggungan surupukaraja’ di amu’ opitamangan.
“Kada’ pologoso’ tinonggungan i apatut pitamangan ulak-ulakan montok nopo do titahak di amu’ kosongkuro. Kada’ do ‘setitik nila rosak susu sebelanga’.
“Montok diolo’ i miagal diti, tinonggungan aiso’ id ginawo, nga’ poingiliu id gakod,” ka disio ontok Konvensyen Integriti, Tadbir Urus om Antirasuah 2023 (KITA 2023), di konihab.
Konvensyen dilo’ pinohimagon di Boyoon Montiri, Datuk Seri Hajiji Haji Noor om notindapou nogi’ di Monunurat Koporintaan Pogun, Datuk Seri Sr. Safar Untong om Montiri Kousinan pogun, Datuk Seri Masidi Manjun.
Azam minoboros, nung tinonggungan amu’ kosili posunduran id tikid pitorinaan om surupukaraja’ di patahakon nga’, aantakan kokimpaan id sistem koponguludan koporintaan.
Nung tinonggungan amu’ pitamangan do osonong nga’, i angkabon id Gagasan Malaysia Madani om Tuduan Kopoburuan Po’ompus (SDG) amu’ kalantoi do monigampot.
“Montok dilo’, suai ko’ laang kopoindalanan om ‘punitif’ i papanahon miampai aparagat om ‘proaktif’, kopongilagan om pongunsuban id koyuon ‘insentif’ nga’ pointutunan.
“Miagal do, montok komponi i popoindalan tongo’ ababayan balajaran om pongilagan susuap, pomutulan sukai id siriba’ 7 Sub Sekseyn 34(6)(h) Akta Cukai Pendapatan 1967 aanu monugat monotk ababayan di poonjuron,” ka disio.
Daamot dilo’, minoboros isio SPRM toririmo pointopot papatantu’ angkab om kalansanan montok poposili Malaysia koidu’ mantad susuap aanu popoindalan miampai koinsanai ginaras om kuasa’ di haro.
Kohondot idlo’, kalansanan disio kinapawaladan om sesi forum id KiTa 2023 dilo’ oguno miampai poinsonong di tongo’ tutumanud konvensyen montok sumili kokoriu id koponguludan tionggungan di lobi kosonong id nayatan diolo’ sompoopori do tohuri.
