Hajiji (koduo, wanan) miniboros miampai di Victor (koduo, gibang) om i Dr. Jamaluddin (gibang) om poingintong i Monunurat Koporintaan Pogun, Datuk Seri Sr. Safar Untong.
KOTA KINABALU: Boyoon Montiri, Datuk Seri Hajiji Haji Noor nonuan kopointalangan karait di koyuyuon koumoligan id Zon Koumoligan Tisan Kosilahon Sabah (ESSZone) di Komander Watas Koumoligan Kosilahan Sabah (ESSCom), Deputi Komisioner (DCP) Victor Sanjos do hiti di tadau baino’.
Ilo’ nopo nga’ kinotombuluyan apatang kumoinsan di Victor kumaa di Boyoon Montiri id Menara Kinabalu pointonod sinili sabaagi Komander ESSCom di tulan Ko’onom toun diti.
Hajiji (wanan) pinapatahak tandamato kuminaa id Che Engku Suhaimi.
Boyoon Montiri pinoilo nogi’ di mogisusuai ababayan mogigiyon i pinoindalan montok mongingkawas rontob kopurimanan koumoligan id nayatan mogigiyon ESSZone.
Nakaampai nogi’ id tinonudan ESSCom i Luguan Upisor Eksekutif, Dr. Jamaluddin Mohd. Ali.
Hajiji sinunudan nogi’ kointalangan kaawagu karait koyuyuon maritim pogun diti ontok pinirubaan miampai di Potunud Maritim Sabah om Labuan, Laksamana Pertama Maritim Che Engku Suhaimi Che Engku Daik.
Tinonudan Maritim Sabah kaampai no i Kumoduo Potunud (Operasi), Kapten Maritim Mahmad Faizal Ahmad om Kumoduo Potunud (Koponguludan), Siti Norhaini Osli.
