Hajiji ruminamit tanda’mato mantad di Chin.
KOTA KINABALU: Boyoon Montiri, Datuk Seri Hajiji Haji Noor minamaramit kinotombuluyan apantang tinonudan Koisaan Undang-undang Sabah (SLS) id Menara Kinabalu, do hiti di tadau baino’.
Kinotombuluyan dilo’ binuruan di Presiden SLS, Roger Chin kituduan montok manahak kopointalangan kaawagu kokomoi inggisaman koisaan dilo’ om atag pisokodungan miampai Koporintaan Pogun id ‘reformasi’ undang-undang pogun.
I Chin minanahak kopointalangan kumaa di Hajiji, wookon dilo’, kokomoi surupukaraja’ Ponguhupan Guaman SLS, i patahakon di puru dau miampai poinggaan ginawo kumaa mogigiyon id Sabah.
Pinopointalang nogi’ isio sokodung SLS kumaa Longkod Timbangtara om Pengantaraan Sompomgunan Borneo (BICAM) om Pitimungan Undang-undang Komanwel do obontol, i SLS kipalan do papaharo.
I Chin pinopoilang nogi’ do SLS monguhup tiim undang-undang pogun id kapanahakan kasahapan di gaa’ timbang tara kumaa bohogian i monondos sabaagi waris Kesultanan Sulu.
SLS, ka di Chin, kiatag do tumombului id pipiro pomogunon montok popouyu surupukaraja’ guaman mimapai tuduan monokodung koporintaan pogun id kopongimbayatan papaapu’ labus kumaa Sabah.
