Hajiji pinapatahak tandamato kuminaa di Seung-Bae katalib mitingan id Menara Kinabalu do hiti di tadau baino’.
KOTA KINABALU: Boyoon Montiri, Datuk Seri Hajiji Haji Noor minamaramit kinotombuluyan apantang Lansanon Takawas Korea Selatan kumaa Malaysia, Yeo Seung-Bae id upis disio doid Menara Kinabalu, do hiti di tadau baino’.
Ontok pinirubaan dilo’, miniboboros yolo’ di hal kopongingkawasan piromutan pidagangan misulak id pialatan do Sabah om Korea Selatan.
Noondo diti, kopoopuan bobos agayo Korea Selatan id Sabah nopo nga’ SK Nexilis, papalabus ringkol (gegelung) tambaga’ id Taman Pomorunan Kota Kinabalu (KKIP).
Korea Selatan po nogi’ nga’ wookon pogun i minaganu bohogian id Ekspo Sompomogunan Sabah 2023 (SIE2023) i kopopongo.
Seung-Bae nga’ minanahak nogi’ kopointalangan kuminaa di Boyoon Montiri kohompit kopongukaban konsulat Republik id Kota Kinabalu do suab (ko 26tw Kosiam).
