Hajiji Haji Noor
KOTA KINABALU: Ginumu’ Pidagangan Sabah 2022 i nakatalib do RM100 bilion nopo nga’ kokitanan do kinalantaion Koporintaan Gabungan Rakyat Sabah (GRS) buruanon di Boyoon Montiri, Datuk Seri Hajiji Haji Noor, ka di Ponorikohon Backbenchers GRS, Datuk Dr. Yusof Yacob.
Kinalantaion po nogi dilo’ miampai amu’ mitilombus kopongilag totondos do pembangkang i monondos ikonomi pogun Sabah olomog id siriba’ pomuruanan Koporintaan GRS, ka disio kawagu.
Di ko 31tw Koturu’ 2023 katatalib, Koupisan Perangkaan Malaysia pinoporuput Ginumu’ Pidagangan Sabah nokoposurat kinosunion bobos akawas 35.4 ppihatus di toun 2022, nakatalib RM100 bilion.
Ginumu’ Pidagangan Pogun Sabah di toun 2022 kiginumu’ RM118.1 bilion, nung piadangon toun pogulu dilo’ RM87.2 bilion.
Dr. Yusof Yacob
“Kinapahabaran diti rinamit osonong di mogisusuai nayatan rayat id Sabah. Iti nopo nga’ kopokitanan atalang mantad totos karaja’ Koporintaan GRS binuruan di Boyoon Montiri, Datuk Seri Hajiji Noor pointonod minonowoli kopomuruanan Pogun Sabah di wulan Kosiam 2020.
“Pointonod minonowoli Koporintaan Pogun di mamaso pomogunan potoguang tomporuruol Covid-19, Koporintaan Pogun Sabah minaganu mogisusuai inggisaman om minonotos kumaraja’ montok mononduli’ kawagu ikomoi om iti okito mantad kinapahabaran di Luguan Perangkawan Malaysia dilo’ di kaawagu diti,” ka disio i po nogi’ Ponorikohon Qhazanah Sabah Berhad id iso’ kointalangan di tadau baino’.
Sabaagi Ponorikohon Qhazanah Sabah, i po nogi’ tinan kopoopuan strategik pasanganu Koporintaan Pogun Sabah, Dr. Yusof minoboros, do isio miampai koombolutan momuruan nonuan tonggungan om monotos kumaraja’ kumaa kopotontuan kosunion ikonoim Sabah kotilombus koinggirot om kotilombus montok koburuon Sabah kopiongoi di Hontolon Sabah Maju Jaya.
“Ruputan Luguan Perangkawan Malaysia diti miampai amu’ mitilombus manahak kotumbayaan kumaa tongo’ papaapu’ do rumikot om mogowit lobi kogumu’ kopoopuan id Sabah.
“Suai mantad dilo’, ilo’ do miampai amu’ mitilombus kopongilag totondos mantad bohogian pembangkang i mongomi Ikonomi Pogun Sabah olomog id siriba’ kopomuruanan Koporintaan GRS,” ka di Dr. Yusof po nogi’ ADUN Sindumin.
