Tun Juhar tinanud di Hajiji om puru Nuludan Montiri minooi intong pokikitanan koumoligan id Ababayan Kapamaramaian Tadau Kobilangan Nayatan Pogun Sabah id Padang Merdeka, Kota Kinabalu, di tadau baino’.
KOTA KINABALU: Boyoon Montiri, Datuk Seri Hajiji Haji Noor tuminindapou do Ababayan Kinapamaramaian Tadau Pahlawan (Kobilangan) Nayatan Pogun Sabah id Padang Merdeka do hiti di tadau baino’.
Hajiji miampai di Tun Juhar om talap di suai id Ababayan Kapamaramaian Tadau Kobilangan Nayatan Pogun Sabah id Padang Merdeka, Kota Kinabalu, di tadau baino’.
Molohingon Pogun, Tun Juhar Mahiruddin nga’ nakasaga’ tuminindapouo om minomorisa’ ‘Kawalan Kehormatan Utama suai ko’ Tabik Hormat DiRaja.
Nokopogulu, Hajiji nokorikot di jam ko 7.30 kosuabon sinuau di Puruankuasa’ Manganganjur Kapamaramaian Tadau Kobilangan Nayatan Pogun om talib dino minamaramit Tabik Hormat Tinimungan Kawalan Kehormat Utama id sinasawat Padang Merdeka.
Hajiji ruminamit ‘tabik hormat’ mantad Tinimungan Kawalan Kehormatan Utama id Ababayan Kapamaramaian Tadau Kobilangan Nayatan Pogun Sabah id Padang Merdeka, Kota Kinabalu, di tadau baino’.
Wookon pinonuang ababayan dilo’ nopo, pinopokili Jalur Gemilang om Bondira’ Sabah nogi’ loyou Negaraku om Sabah Tanah Airku, kinopounian “The Last Post” do Pulis Diraja Malaysia, pokikitanan pinotomod Tinimungan Susumangod Malaysia om kinopongobusan “Rouse”.
Hajiji miampai di Tun Juhar om tongo’ momuruan tinimungan koumoligan pogun id Ababayan Kapamaramaian Tadau Kobilangan Nayatan Pogun Sabah id Padang Merdeka, Kota Kinabalu, di tadau baino’.
Wookon di nokotindapou nopo tongo’ Kumoduo Boyoon Montiri, Datuk Seri Dr. Jeffery G. Kitingan, Datuk Seri Dr. Joachim Gunsalam om Datuk Ir. Shahelmey Yahya, Speaker Lintuhun Undangan Pogun (DUN), Datuk Seri Kadzim Haji M. Yahya, Montiri Koburuon Labus Kakadayan, Datuk Jahid Jahim om Montiri Koburuon Mogigiyon om Kasasanangan Rayat, Datuk James Ratib, tongo’ Kumoduo Speaker DUN, Datuk Richard Yong We Kong om i Datuk Haji Al Hambra Tun Juhar nogi’ Monunurat Koporintaan Pogun, Datuk Seri Sr. Safar Untong.
Hajiji minananud nogi’ di Juhar minintong pokikitanan tinimungan koumoligan, koupisan kolidasan, Koupisan Muzium om Arkib Pogun.
