Dr. Joachim (tanga’) minanahak kopointalangan kuminaa puru mitingan id Mitingan Puruankuasa’ Induk Kapamaramaian Tadau Kinosusuon Pinotomod Molohingon Pogun Sabah.
KOTA KINABALU: Soginumu’ 15 ababayan kaampai duo i wagu maan pohoroo’ kopihondot pamaramaian Tadau Kinosusuon Pinotomod Molohingon (Yang di-Pertua) Pogun Sabah.
Kumoduo Boyoon Montiri po nogi’ Montiri Koporintaan Koiyonon om Pomuwalaian Sabah, Datuk Seri Dr. Joachim Gunsalam pinopoilo diti katalib disio minonorikohon Mitingan Puruankuasa’ Induk Pamaramaian i kumoinsan nogi’ pohoroo’ doid linimput Wisma Innoprise, do hiti, di tadau baino’.
Ka disio, duo ababayan wagu i maan pohoroo’ dilo’ nopo nga’ ababayan Pokikitanan ‘Interaktif Digital Institusi Tuan Yang Terutama (TYT)’ om ‘Malam Ilmuan Islam’.
Minoboros isio, ababayan suai i maan pohoroo’ nopo nga’ Ababayan Bacaan Yassin, Tahlil om Doa; Istiadat Pinghuyudan, Ababayan Istiadat Pengurniaan Darjah-darjah Kogoyo’an om Bintang-bintang Kogoyo’an Pogun Sabah, Ababayan Jamuan Negeri, Ababayan Sanjungan Kasih, konvoi kimutusikol injin agayo PDRM miampai Tuan Yang Terutama, Ababayan ‘Jamuan Teh Bersama Kanak-kanak Istimewa’ om Tanganak Yatim, Mimbosikol Miampai TYT, Ababayan Kopoimaganan Pokikitanan Pinotomod ‘Dirgahayu Tuan Yang Terutama’, Ababayan Pokikitanan om Kapatahakan Tutungkap ‘Karya Perdana Tahunan Negeri Sabah’, Pialaan Golf Kotundunan TYT, Ababayan Pomoromitan Tadau Etnik om Ababayan Gaa’ Sipoot Pogun Sabah.
Urusetia Puruankuasa’ Induk kapaampai do pakakaraja’ Komontirian Koporintaan Koiyonon om Pomuwalaian (KKTP) i buruanon di Kumoduo Monunurat Pointatap II, sabaagi Luguan Urusetia, Faridah Giau.
Mitingan di tadau baino’ miniboboros di atag ababayan kapamaramaian om kopoikidan karaja’.
Nokotindapou nogi’ i tongo’ Monguhup Montiri KKTP i po nogi’ Kumoduo Ponorikohon Puruankuasa’ yolo’ nopo nga’ ii Datuk Isnin Aliasnih dan Mohamad Hamsan Hj Awang Supain, om Monunurat Pointatap i po nogi’ Monunurat Puruankuasa’ Induk, Datuk Dr. Jamili Nais.
Dr. Joachim minongunsikou kumaa kinorikotan toinsanan puru puruankuasa’ i kapaampai do Upis Monunurat Koporintaan Pogun, Monunurat Pisompuruan Sabah, Mayor Bandaraya Kota Kinabalu; Monguasa’ Pulis, PDRM Kontinjen Sabah, Panglima Lima Divisyen, Markas Divisyen Kolimo Infantri Malaysia, Kem Lok Kawi; Monunurat Pointatap Komontirian Kousinan, Luguan Potunud Surupukaraja’ Koporintaan Pogun, Koupisan Surupukaraja’ Koporintaan Pogun, Monunurat Pointatap, Komontirian Ponombuluyan, Koubasanan om Sandad Posorili’, Monunurat Pointatap Komontirian Komulakan om Sipoot Pogun Sabah, Monunurat Pointatap Komontirian Koburuon Pomorunan Kopotundaan om Kousahawanan, Monunurat Pointatap Komontirian Labus Kakadayan, Monunurat Pointatap Komontirian Sains, Tiknologi om Inovasi, Monunurat Olisok kumaa di TYT, Monunurat, Upis Hal Suang Pogun om Ponolidikan, Koupisan Boyoon Montiri, Potunud Bohogian Kabinet om Katatapan Koupisan Boyoon Montiri, Potunud Bohogian Istiadat om Protokotol Koupisan Boyoon Montiri, Upis Media om Piromutan Koupisan Boyoon Montiri om tongo’ koupisan koporintaan pogun.
