Hajiji (wanan) miampai di Fadillah ontok pinirubaan diolo’ id Seri Gaya, Kota Kinabalu, di tadau baino’.
KOTA KINABALU: Koporintaan Pogun mokianu Koporintaan Pisompuruan popoinsikap kopoindalan noolu’ pakej projik Ralanagayo Pan Borneo id Sabah.
Boyoon Montiri Datuk Seri Hajiji Haji Noor pinopolombus dino ontok miniboros do hal dilo’ di maso pinirubaan miampai Kumoduo Luguan Montiri II, Datuk Seri Fadillah Yusof id kinoiyonon Boyoon Montiri, Seri Gaya, do hiti, di tadau baino’.
Pinoruput do 20 mantad 35 pakej id siriba’ Fasa Iso’ projik Pan Borneo kakal amu’ notimpuunan.
Boyoon Montiri nga’ miniboros nogi’ miampai di Fadillah i po nogi’ Montiri Pomukobunan om Komoditi, karait di karalano’ montok mongingkawas asil nimbulayan tanom koko id Sabah.
Nokotindapou nogi’ i Montiri id Koupisan Luguan Montiri (Hal Sabah om Sarawak om Karaja’ Pinotomod), Datuk Armizan Mohd Ali om i Datuk Siti Aminah Aching, Kumoduo Montiri Pomukobunan om Komoditi.
