Hajiji (tanga’) guminambar miampai tongo’ mamaramit toluod tindalam Tadau Raya id Ababayan Kinapatahakan Tindalam Tadau Agayo Aidilfitri Toun 2023 kuminaa Puru Tinimungan Koumoligan om Pakakaraja’ Kolidasan pogun diti id Menara Kinabalu, Kota Kinabalu di tadau baino’.
KOTA KINABALU: Hal koumoligan ginumuan id Sabah tilombuson do papagaras montok papatantu’ rayat kopoindalan ababayan ikonomi om sosiol miampai oulud, otoronong om ounsikou, ka di Boyoon Montiri, Datuk Seri Hajiji Haji Noor.
Ka disio, jominan koumoligan ginumuan okon nopo ko’ kapanahak waya’ kumaa pososorili’ di lobi oumolig, nga nogi’ kopongingkawas kotumbayaan mangangapu’ labus do popoindalan ababayan ikonomi id pogun diti.
“Kotoronongon i popuriman tokou diti nga’ kapasaga’ nogi’ ababayan kopotundaan pogun ilo’ nopo nga’ Rikoton Sabah Maju Jaya (SMJ) aanu popoindalan miampai poinsonong,” ka disio id Ababayan Kinapatahakan Tindalam Tadau Agayo Aidilfitri Toun 2023 kumaa Puru Tinimungan Koumoligan om Pakakaraja’ Kolidsaan pogun diti id Menara Kinabalu, do hiti di tadau baino’.
Hajiji ruminamit toluod tindalam Tadau Raya mantad di sawo disio, Datin Seri Juliah Salag i po nogi’ Molohingon Kotinana Muafakat Titipan Amal Isteri Wakil Rakyat, Gabungan Rakyat Sabah (MUTIARA GRS) id Ababayan Kinapatahakan Tindalam Tadau Raya Aidilfitri Toun 2023 kuminaa Puru Tinimungan Koumoligan om Pakakaraja’ Kolidasan pogun diti id Menara Kinabalu, Kota Kinabalu di tadau baino’.
Hajiji id koobian do koporintaan pogun Sabah minonongkounsikou mantad tonggungan om kolubukan puur tinimungan koumoligan om pakakaraja’ kolidasan id pogun diti.
Ka disio, karaja’ om tinonggungan diolo’ id kaganaan pakarajaan sompoopori awagat om kolubukan puru koumoligan om pakakaraja’ kolidasan amu’ insan intutun do komoyon ohuyan toi orosian gisom no do niawa om koumoligan tinan sondiri’ polubukon montok manamong koumoligan, om toririmo hondomon.
Pinoposorou nogi’ isio rayat pogun diti mooi tumilombus popowonsoi panamangan sondiri’ montok mongilag orolihan tomporuruol Covid-19 nosusuhut do Komontirian Kolidasan nokoilo kinoingkawason kes Covid-19 soginumu’ 37.7 pihatus montok minggu kinoompokon tadau Ko’onom katatalib (ko 1tw Kaapat) nosusuhut kinopongukaban kawagu sikul id poliliput pogun.
Hajiji pinapatahak toluod tindalam Tadau Raya kumaa di Ponowoli Monguasa’ Pulis Sabah, Datuk Jauteh Dikun id Ababayan Kinapatahakan Tindalam Tadau Agayo Aidilfitri Toun 2023 kuminaa Puru Tinimungan Koumoligan om Pakakaraja’ Kolidasan pogun diti id Menara Kinabalu, Kota Kinabalu di tadau baino’.
“Kohondot dilo’, kalansanan ku yati’ ngaawi’ toririmo mingat-ingat om kiguno manamong tinan montok koumoligan sondiri’ om paganakan sompoopori,” ka disio pinoposotol.
Minoboros i Hajiji, tikid toun koporintaan papaharo Ababayan Kapatahakan Tindalam Tadau Agayo Aidilfitri montok kasarahan di tinonggungan om popokito kopongunsikohan kumaa puru koumoligan i potuu poingkaraja’ id piwolitan, tindal, rahat toi tawan.
“Amu’ nogi’ olingan tinimungan koumoligan i manamong kotingoligan id talun-alun, harata ginumuan om sopiagal dilo’. Ingkaa nogi’ kukumaraja’ kolidasan, dokutur, noos om tinimungan paramedik i amu’ insan kobolhit do kohuyanon om timpu lolobi no di ontok tomporuruol Covid-19, nga’ amu’ olingan,” ka disio kawagu.
Hajiji pinapatahak toluod tindalam Tadau Raya kuminaa di Potunud Koupisan Imigrisin Malaysia Pogun Sabah, Datuk SH Sitti Saleha Habib Yussof id Ababayan Kinapatahakan Tindalam Tadau Agayo Aidilfitri Toun 2023 kuminaa Puru Tinimungan Koumoligan om Pakakaraja’ Kolidasan pogun diti id Menara Kinabalu, Kota Kinabalu di tadau baino’.
Kalansanan disio kopongonjuran ababayan dilo’ koposindak kopurimanan kohondot di tonggungan do puru koumoligan om pakakaraja’ kolidasan kumaa tinaru om pogun.
“Kolubukan puru tinimungan koumoligan tokou i poingkaraja’ id piwolitan om asansagan sopiinsodu’ mantad paganakan, montok no do manamong kotorongon om kouludan tokou po’ompus id timpu kapamaramaian tadau agayo di dumontol,” ka disio pinoposotol.
Hajiji pinapatahak toluod Tindalam Tadau Raya kuminaa di Panglima Armada Timur, Laksamana Madya Dato’ Pahlawan Haji Muhammad Ruzelme Haji Ahmad Fahimy id Ababayan Kinapatahakan Tindalam Tadau Agayo Aidilfitri Toun 2023 kuminaa Puru Tinimungan Koumoligan om Pakakaraja’ Kolidasan pogun diti id Menara Kinabalu, Kota Kinabalu di tadau baino’.
Hajiji minoboros, toun diti soginumu’ 35 kotinanan koporintaan kapaampai do komontirian, koupisan koporintaan pogun om Pisompuruan, tongo’ komponi poinggompit koporintaan (GLC), tinan kikoundangan om tinan okon koporintaan (NGO) miniuhup pinoposodia’ tongo’ tindalam i pinoikid kumaa puru koumoligan om pakakaraja’ kolidasan dumontol Aidilfitri.
Lumansan isio lobi po kogumu kotinanan koporintaan kaampai GLC om NGO tumigulai do papatahak toluod do timpu dumontol.
