Hajiji miampai Dr. Yusof om Poon katalib kinapatahakan watikah koposilihan. Masidi nga’ nokotindapou.
KOTA KINABALU: Datuk Dr. Yusof Yacob sinili sabaagi Ponorikohon raan kopoopuan Koporintaan Pogun, Qhazanah Sabah Berhad poinggirot kuasa’ misindikot.
Boyoon Montiri, Datuk Seri Hajiji Haji Noor pinapatahak watikah koposilihan kuminaa di Puru Lintuhun Koundangan Pogun (ADUN) Sindumin dilo’ id iso’ ababayan toniba’ doid upis disio id Menara Kinabalu, do hiti, di tadau baino’.
Montiri Kousinan, Datuk Seri Masidi Manjun om Monunurat Koporintaan Pogun, Datuk Seri Sr Haji Safar Untong nga’ nokotindapou.
Hajiji pinapatahak watikah koposilihan ponorikohon Sabah Development Berhad kuminaa di Poon.
Id ababayan miagal, Hajiji pinapatahak nogi’ do watikah koposilihan kuminaa di ADUN Tanjong Papat, Datuk Frankie Poon sabaagi Ponorikohon Sabah Development Berhad (SDB).
Minanangkabayahan kuminaa di Dr. Yusof om i Poon mantad kinoposilihan dilo’, kalansanan di Hajiji yolo’ do kaanu monoluod kumaa koburuon komponi pasanganu koporintaan dilo’.
