Hajiji om Tun Musaid Ababayan Tahlil, Doa Kopongunsikohan om Solat Hajat Kopihondot Pamaramaian Tadau Kabansaan om Tadau Sabah Nayatan Pogun Sabah 2025 id Masjid Bandaraya Kota Kinabalu di tadau baino’.
KOTA KINABALU: I Molohingon Agayo Pogun Sabah, Tun (Dr.) Musa Haji Aman miampai di Boyoon Montiri (KM), Datuk Seri Haji Hajiji Haji Noor minomuruan kopomuruanan pogun tuminindapou Ramai Tahlil, Doa Kopongunsikohan om Solat Hajat kopihondot pamaramaian Tadau Kabansaan om Tadau Sabah Nayatan Pogun Toun 2025 id Masjid Bandaraya Kota Kinabalu, di tadau baino’.
Nokotindapou nogi’ Speaker Lintuhun Undangan Pogun (DUN) Sabah, Datuk Seri Kadzim M. Yahya, Kumoduo Boyoon Montiri III po nogi’ Montiri Karaja Agayo, Datuk Ir. Shahelmey Yahya, Montiri Kousinan Pogun, Datuk Seri Masidi Manjun, Montiri Sains, Tiknologi om Inovasi Pogun, Datuk Dr. Mohd. Arifin Mohd. Arif, Monunurat Koporintaan Pogun, Datuk Seri Sr. Safar Untong, nuludan tongo’ mongongobi’ rayat om nogi’ tongo’ momuruan koupisan koporintaan.
Ramai dilo’ tinimpuunan do bacaan surah Yasin, tahlil om doa selamat pogulu tinilombus do azan, Solat Jumaat om Solat Hajat montok mokianu kawadanan, koumoligan nogi’ kasasanangan rayat om pogun Sabah.
Ababayan tikid toun dilo’ pinaharo montok poposindak po sunduan ‘patriotisme’ nogi’ kokitanan koponongkounsikohan rayat Sabah mantad sinonong kotoronongon, kinomogoton om pogiuludan i potilombus popurimanan pointonod pinonuridongan Malaysia.
