Hajiji (gibang) ontok minananud di Tun Musa tuminindapou Mitingan Kounsol Raja-Raja Ko-268.
KOTA KINABALU: Boyoon Montiri, Datuk Seri Haji Hajiji Haji Noor minananud di Molohingon Agayo Pogun, Tun Musa Aman tuminindapou Mitingan Kounsol Raja-Raja Ko-268 id Istana Negara, Kuala Lumpur di tadau baino’.
Sultan Kedah, Al-Aminul Karim Sultan Sallehuddin Sultan Badlishah minonorikohon Mitingan Kounsol Raja-Raja, di tadau baino’.
Hajiji tuminindapou Mitingan Montiri Agayo om Boyoon Montiri Ko-145.
Iti nopo nga’ Mitingan Kounsol Raja-Raja di kumoinsan notindapou di Musa katalib sinili Molohingon Agayo Pogun Sabah ko-11 poinggirot kuasa’ di ko 1tw Koiso’ 2025.
Nokopogulu, Boyoon Montiri tuminindapou Mitingan Montiri Agayo om Boyoon Montiri Ko-145 i pinonorikohon di Luguan Montiri, Datuk Seri Anwar Ibrahim id Perdana Putra, Putrajaya, di konihab.
Id mitingan dilo’, i Hajiji tinanud nogi’ di Monunurat Koporintaan Pogun, Datuk Seri Sr. Safar Untong.
Di kosodop, tuminindapou nogi’ isio Mitingan Kounsol Pibabarasan Lansanon Koporintaan Perpaduan Malaysia id Kompleks Seri Perdana, Putrajaya, di kikiro jaam ko 8 totuong.
