Hajiji om Puru Parlimen Sabah nonuan kopointalangan karait ponimbanan koundangan di Mimmi Suriati id Sri Gaya di tadau baino’.
KOTA KINABALU: Boyoon Montiri (KM), Datuk Seri Haji Hajiji Haji Noor minonorikohon mitingan pogulu-ababayan miampai tongo’ Puru Parlimen Sabah do miniboros di ponimbanan koundangan karait undang-undang ‘kewarganegaraan’ i pawalanon montok pambasaan kumoinduo om kotolu ontok pitimungan Parlimen obontol.
Boyoon Montiri om walu’ Puru Parlimen nonuan kopointalangan di Kumoduo Monunurat Bohogian, Koupisan Koporojistoran om Bohogian Kotinanan Komontirian Suang Pogun, Mimmi Suriati Mat Khalid karait haal dilo’ id Sri Gaya, do hiti, di baino’.
Puru Parlimen di nokotindapou nopo nga’ ii Datuk Seri Dr. Jeffrey Kitingan (Keningau), Datuk Armizan Ali (Papar), Datuk Ir. Shahelmey Yahya (Putatan), Datuk Jonathan Yassin (Ranau), Datuk Andi Muhammad Suryady Bandy (Kalabakan), Datuk Matbali Musah (Sipitang), Datuk Lo Su Fui (Tawau) om i Riduan Rubin (Tenom).
Nokotindapou nogi’ i Luyar Agayo Pogun, Datuk Brenndon Keith Soh.
