Ka disio, notondosan owiton kumaa Kuut Pinotomod Susuap Kota Kinabalu do suab (16tw Koturu’) montok dawahon.
KOTA KINABALU: Songulun pakaraja’ koporintaan tinahan tu’ kotumbayaan pinopotoguang ponugatan kisuang kointalangan oudut montok maganu bayaran kinorugian tana’ kigatang kikiro RM111,000.
Tumanud Utusan Malaysia, intodonon pinopoilo, notondosan dilo’ songulun kusai kiumur 50an tinahan kikiro jaam ko 11 kosuabon ontok tuminingan minanahak kointalangan id Upis Suruhanjaya Pongilagan Susuap Malaysia (SPRM) Sabah.
“Notondosan kotumbayaan pinopowonsoi koulalaho’ pinopotoguang ponugatan oudut di toun 2014 montok monguhup puru paganakan dau maganu bayaran kinorugian tana’ dilo’ doid songinan upis miampai padaahan tana’ dilo’ nokogompit di songinan projik pamansaian talun-alun dadamot do tana’ dilo’ amu’ nokotonggoi,” ka disio.
Daamot dilo’, Potunud SPRM Sabah, Datuk S. Karunanithy ontok rinomut pinopohimagon kinopomogokoman dilo’ om kes sinoriuk id siriba’ Seksyen 18 Akta SPRM 2009.
