Puru Kounsol Akawas (AMT) PBS pinopolombus taru parti soira’ nopongo mitingan pointantu’ timpu i pinapanau doid Longkod Upis PBS id Donggongon, Penampang.
PENAMPANG: Parti Bersatu Sabah (PBS) pinapaharo mitingan pointantu’ timpu montok minibooboros di tongo’ haal ngaawi’ karait parti om miniolon-olon pomusarahan sompipi’ Puru Kounsol Akawas (AMT) do hiti, di konihab (ko 2tw Kaapat).
“Tingkananon kopio nopo nga’ pibabarasan potilombus karait posodiaan parti monoguang Pomilian Agayo Pogun (PRN) di maan pohoroo’ do soiraira’ nopo timpu,” ka di Kumoduo Presiden PBS, Datuk Seri Dr. Joachim Gunsalam katalib minonorikohon mitingan i pinapanau doid Longkod Upis PBS, Donggongon.
Ka disio, mitingan ‘housekeeping’ po nogi dilo’ nga’ kituduan montok manahak kopointalangan lobi kosorisid di kinoburuon do pisokodungan miampai do Parti Solidariti Tanah Airku (STAR), hinombo do PBS pinaphaaro pinisoinan memorandum pihunungan (MoU) miampai parti dilo’.
Dr. Joachim nga’ pinopoilo do AMT oiso’ rolou popotoguang kootusan mitingan ‘task force’ i binuruanan disio kumaa Presiden PBS.
Nokotindapou nogi’ i tongo’ Kumoduo Presiden, Datuk Jahid Jahim om Datuk Seri Yee Moh Chai; Monunurat Agayo, Datuk Julita Majungki; tongo’ Timbang Presiden, Datuk Haji Ruslan Muharam, Datuk Hendrus Anding, Datuk Johnny Mositun, Datuk Peter mak, Datuk Daniel Kinsik om i Haji Murshid Mohd Rais; Monobubut, Datuk Lu Kim Yun om Luguan Kointalangan PBS, Datuk Joniston Bangkuai.
