Hajiji (kotolu, wanan) minibooboros di Anwar (gibang) pogulu nokotimpuun mitingan, om poingintong io’ Abang Johari (koduo, gibang) om ilo’ suai.
KOTA KINABALU: Boyoon Montiri (KM), Datuk Seri Haji Hajiji Haji Noor tuminindapou mitingan kumoinsan nogi’ Kounsol Tenaga Negara i pinaharo montok papatantu’ sondikoton om katatapan kosudong montok palan sondikoton koundolihon tenaga negara (NETR).
Pinonorikohon di Luguan Montiri, Datuk Seri Anwar Ibrahim id upis disio doid Putrajaya di tadau baino’, mitingan dilo’ miniboboros pipiro haal agayo karait kopomogunaan ginoris maso-maso om timpu dumontol pomogunon nogi’ kinoponguludan di 10 projik agayo id siriba’ NETR kaampai iso’ projik agayo Sabah, Koumoligan Tenaga Sabah id siriba’ kaganaan kuasa’ Suruhanjaya Tenaga Sabah (OCoS).
Anwar (poindikau, tanga), Hajiji (poindikau kaapat, wanan) om Puru Kounsol Tenaga Negara guminambar pongingitanan pogulu miting.
Mitingan dilo’ notindapou di Kumoduo Luguan Montiri, Datuk Seri Fadillah Yusof; Luguan Montiri Sarawak, Datuk Patinggi Tan Sri (Dr) Abang Haji Abdul Rahman Zohari Abang Haji Openg om turu’ montiri Kabinet Pisompuruan.
Nokotindapou nogi’ Monunurat Koporintaan Pogun Sabah, Datuk Seri Safar Untong om Luguan Upisor Eksekutif ECoS, Datuk Ir. Abdul Nasser Abdul Wahid.
