Mohd. Zaidi Abdullah
KOTA KINABALU: Songulun bagang tondu’ nokito poinsuang songinan kutak di Imam id toguang Masjid al-Mawaddah, Taman Seri Gaya, Jalan Maktab Gaya, Luyang, do hiti di konihab.
Luguan Pulis Watas Kota Kinabalu, Asisten Komisioner Mohd. Zaidi Abdullah minoboros, tumanud nota i pinotonggoi do bagang di norungod dilo’ nosusu di ko 31tw Kohopod, 2023.
Ka disio, tulun i minongiduan bagang dilo’ minokisiou sabab amu’ katamong do bagang dilo’ sasabab no do amu’ osukupan nogi’ minokianu jmooi do bagang dilo’ pootodon kumaa walai tanak yatim.
“Bohogian pulis Kota Kinabalu minongukab karatas ponoriukan id siriba’ Seksyen 317 Kanun Koorisan ilo’ nopo nga’ kasalaan papabanta’ om papataam tanak-anak i kiumur osiriba’ mantad 12 toun mantad dii tina’ toi tama’ toi mitatamong. Nung gompit kasalaan aanu momohukum jiil solinaid timpu turu’ toun toi danda’ toi goduduo dilo’,” ka disio id kointalangan di tadau baino’.
Pinokianu disio tulun ginumuan i kiharo kointalangan kokomoi kes diti do momoromut balai pulis poingoros toi upisor monoriuk kes Inspektor Hatikah Ahmad id numbur 016-833 7246.
