Abdul Kassim (poindikau, tanga’) om Kumoduo Ponorikohon George Teo (poindikau, koduo wanan) miampai puruankuasa’ manganganjur.
KOTA KINABALU: Parti Gagasan Rakyat (Gagasan Rakyat) papaharo Pitimungan Agayo kumoinsan dau do ko 13tw Kohopod om Iso’ diit.
Ponorikohon Manganganjur, Datuk Abdul Kassim Razali minoboros, soginumu’ 5,000 mongongobi’ mantad 73 bohogian id Sabah om iso’ bohogian id Labuan pikikiro kotindapou.
“Pitimungan Agayo i pohoroon id Longkod Konvensyen Sompomogunan Sabah (SICC) maan pohimogono’ di Boyoon Montiri po nogi’ Presiden Gagasan Rakyat,” ka disio katalib minonoriokhon mitingan puruankuasa’ manganganjur id Longkod Upis Gagasan Rakyat id Alamesra, do hiti di tadau baino’.
Ka disio kawagu, Gagasan Rakyat noondo pasanganu 300,000 puru poinrojistor.
“Iti kopokito Gagasan Rakyat nokoimbayat ginawo mogigiyon sundung amu’ po kosontoun noturidong,” ka disio.
Abdul Kassim minoboros, ilo’ nopo nga’ kokitanan do poburuon Gagasan Rakyat id sahau buruanon di Hajiji romiton osonong do mogigiyon.
Ka disio, koombolutan id Gabungan Rakyat Sabah (GRS) nga’ pikikiro kotindapou ontok kopoimaganan pitimungan dilo’.
