Dr. Joachim (tanga’) minamaramit tandamato mantad di Rosmadi (kaapat, wanan).
KOTA KINABALU: Sekretarian Sabah Maju Jaya (SMJ) pinapaharo kotombuluyan apatang doid Komontirian Karaja Agayo om Utiliti (KKRU) id Pisuk Mitingan Lamag, KKRU, do hiti, di tadau baino’.
Kinotombuluyan dilo’ nosili kosiwatan piintutunan pinotomod suai ko’ kituduan monginggirot piuhupan kohunung id pialatan goduduo bohogian.
Ilo’ nga’ pinapaharo nogi’ montok mongulud sondikoton om kopoindalanan inggisaman Sondikoton Sabah Maju Jaya (SMJ) 2.0, kosuul no kopohompit infrastruktur om utiliti, mooi do kapatahakan katatapan nogi’ surupukaraja’ kumaa rayat aanu popoindalan miampai lobi kiwaya’ om osonong.
Id pinibabarasan, Kumoduo Boyoon Montiri I po nogi’ Montiri Karaja Agayo om Utiliti, Datuk Seri Dr. Joachim Gun Salam, miniilang pomusarahan nogi’ ‘input’ kumaa Sekretariat SMJ karait di koyuyuon maso–maso kogogonopan talun-alun, pangaba’ wait, sistem poluyungan om pangaba’ lotirik id Sabah.
Pinibarasan nga’ karait nogi’ di kaantaban kopoindalanan om kogunoon koponginsonongan miampai mogisuhut-suhut montok papatantu’ koponongkuyanan surupukaraja’ kumaa rayat aanu mongingkawas.
Dr. Joachim minongunsikou au gigina kumaa tinonudan Sekretariat SMJ mantad kinotombuluyan dilo’.
Pinopolombus nogi’ isio kalansanan mooi do kopoindalanan nogi’ sondikoton SMJ 2.0 kosili lobi ogirot om kiwaya’ montok koundaran rayat nogi’ koburuon Sabah miampai poinpuli.
Tinonudan Sekretariat SMJ binuruan di Luguan Upisor Mongungulud Sekretariat SMJ, Datuk Datuk Rosmadi Datu Sulai, miampai Luguan Upisor Operasi Sekretariat SMJ, Datuk Ramlee Mariah nogi’ tongo’ upisor Sekretariat.
