Jamawi (kolimo, wanna) miampai sawo guminambar pongingitanan ontok tuminombului id Walai Poingukab Krismas doid Kampung Pulong, di konihab.
TENOM: Montiri Pomutanaman, Ponginsadaan om Pomorunan Akanon, Datuk Jamawi Jaafar ruminuba’ di tongo’ magigiyon id Lintuhun Undangan Pogun (DUN) Melalap kopihondot karamalan Krismas di ko’ 25tw Kohopod om Duo do hiti.
Isio kinoruhang po nogi’ di sawa disio, Datin Zainuatunnisa Ibrahim, tuminombului id pipiro kinoiyonon kaampai walai di Luguan Watas, OKK Tusib Tulas miampai pipiro lansanon nokoiyonon di suai.
Jamawi ruminuba’ dilo’ tongo’ tombului ontok tuminombului doid Walai Poingukab Krismas id Tenom, di konihab.
Ontok rinubaan media, ka di Jamawi, nubasanan mogitotombului kopihondot timpu kararamaian apatut do tilombuson tu’ kaanu ilo’ do monginggirot sunduan pisompuruan id nayatan mogigiyon mogisual tinaru id pogun diti.
Daamot dilo’, naangatan nogi’ disio oinsanan rayat DUN Melalap do tumindapou Walai Poingukab Krismas DUN Melalap i pohoroon do ko’ 28tw diti mimpuun jaam ko 11.30 kosuabon id Lintuhun Datuk Sanggau Jalang
