Hajiji minirumo-rumo miampai di Karunanithy ontok kotombuluyan apantang dilo’.
KOTA KINABALU: Potunud Suruhanjaya Pongilagan Susuap Malaysia (SPRM) Sabah i momupus surupukaraja’ dau, Datuk Karunanithy Subbiah, di tadau baino pinapaharo kinotombuluyan apantang pitongkiadan kuminaa di Boyoon Montiri, Datuk Seri Haji Hajiji Haji Noor id Menara Kinabalu.
Karunanithy i poingkaraja’ id Sabah pointonod wulan Kotolu 2019 momuruan do SPRM Pulau Pinang mimpuun minggu diti. Sowolionon isio di Datuk Mohd Fuad Bee Basrah sabaagi Potunud SPRM Sabah di wagu.
Boyoon Montiri pinopolombus kopongunsikohan mantad surupukaraja di Karunanithy po’ompus disio id Sabah om minomodu’a kalantaion disio id kinoiyonon wagu dau.
