KOTA KINABALU: Parti Bersatu Sabah (PBS) om Parti Solidariti Tanah Airku (StarSAbah) papaanjur Konvensyen Bersama do tadau Koonom diti (12tw Koturu’), miampai pibabarasan mongingkanan kumaa kobolingkahangan maso-maso nogi’ posodiaan monoguang Pomilian Agayo Pogun (PRN) do obontol.
Konvensyen i kapanau id Hongkod Koisaan, Penampang dilo’ pikikiro pohimogonon di Ponorikohon Gabungan Rakyat Sabah (GRS), Datuk Seri Haji Hajiji Haji Noor.
Lobi 5,000 tulun kaampai lansanon parti, mobi’ nayatan siriba’ om puru do goduduo parti pikikiro tumindapou konvensyen dilo’.
Kapagalapan nga’ pinatahak nogi’ kumaa lansanon parti komponen id piomungan GRS.
Ponowoli Presiden PBS, Datuk Seri Dr. Joachim Gunsalam om Presiden StarSabah, Datuk Seri Dr. Jeffrey Kitingan pinoulud papatahak boboroson kopogulu karait sondikoton id koponoguangan PRN di dumontol.
Konvensyen diti pohoroon nosusuhut pinikagasan Memorandum Pihunungan (MoU) id pialatan PBS om StarSabah di ko 18tw Kaapat 2024 i kituduan monginggirot piuhupan montok papatantu’ kalantaion GRS id pomilian agayo.
