Robert Tawik
KOTA KINABALU: Parti Solidariti Tanah Airku (STARSABAH)pinoposotol di ningkakaton tumilombus potimporon id Gabungan Rakyat Sabah (GRS)
montok monoguang Pomilian Agayo Pogun (PRN) ko-17.
Kumoduo Presiden dilo’, Datuk Robert Tawik pinoposotol, STARSABAHamu’ mongiduan do GRS, sundung pia do haro pagkakaa do parti dilo’ miampai
Parti Bersatu Sabah (PBS) pikikiro do lumabus mantad piomungan dilo’ montoktumanding mimpoopori katalib pinonuridongan PBStar.
Ka disio, GRS tinuridong mantad angkab rayat Sabah i mimang do
pisompuruan nayatan parti ngaawi’ nokoiyonon montok monigampot kaadangonpulitik id pogun diti.
“Pinonuridongan pinotomod GRS di ko 11tw Kotolu 2022 nopo nga’ iso’
laang agayo i kopokito piisaan om kinosukodon pulitik Sabah.
“Ilo’ kopokito sunduan miupakat om kinotulidon oinsanan parti di poinhompitmontok popoindisan pisuayan montok koponsolon pogun koupusan diti,” ka disio id
kointalangan di tadau baino montok minongomi habar-habar i aiso’ padaahan dilo’.
Robert pinoposotol do kopomuruanan piomungan diti id koyuon di bobososonong miampai piuhupan kinawaya’an pialatan Presiden STARSABAH, Datuk Seri Dr. Jeffrey G. Kitingan om Boyoon Montiri i po nogi’
Ponorikohon GRS om Presiden Parti Gagasan Rakyat Sabah, Datuk Seri Haji HajijiHaji Noor.
“Piuhupan duo momuruan agayo diti okon nopo ko
nokopongimbulai kaadangon pulitik id pgoun, nga nogi’ nokoposili GRS iso’piomungan di pantangon, kaampai no i bohogian Koporintaan Pisompuruan.
“Ginoris diolo’ id kopoburuan tongo’ kopotutan Sabah
nokopongimbulai kinalantaion agayo, kaampai pinonondulian kawagu mogisusuaikopotutan pogun i poinsuang id Pibatosan Malaysia 1063 (MA63),” ka disio.
Ka disio, STARSABAH do noondo mongigit onom timpohon Lintuhun
Undangan Pogun (DUN), otumbayaan do sokodung rayat kumaa GRS ogirot kopio, omkotilombus koowit kumaa kalantaion piomungan dilo’ id PRN17 i maan pohoroo’.
“Tumilombus tokou gumaras karaja’ montok papatantu’ mandat kotilombus om
koporintaan GRS kotilombus onuan kotumbayaan do momorinta’. Kaadangon do do koporintaandi po’ompus, lobi kogumu’ koburuon, kosiwatan ikonomi om ponguhupan kotundunan
aanu papatahak kumaa rayat Sabah mantad oinsanan nayatan mogigiyon,” ka disiopinoposotol.
Robert nga’ minokianu nogi’ oinsanan mononokodung om puru STARSABAH nogi’ rayat Sabah do tumilombus mingkakat ogirot miampai GRSmontok no do songinan pogun koburu, kiginoris om kibantug.
