Haji Hajiji Haji Noor
KOTA KINABALU: Boyoon Montiri (KM), Datuk Seri Hajij Hajiji Haji Noor minagangat oinsanan rayat Sabah amu’ momuntuk tinaru om ugama’ do mogiampai minggisom kumaa kopomogompian pisompuruan om piuludan.
“Kanou tokou no oinsanan popoburu’ pogun diti potilombus dino mongingkawas kasasanangan rayat. Id koobian koporintana, toririmo tokou mokinongou, mamarati potilombus dino maganu laang manalasai kobolingkahangan nogi’ haal ngaawi’ i potoguang do rayat,” ka disio id pason Tadau Raya Aidilfitri 2025.
Boyoon Montiri minoboros, kopihondot Tadau Raya Aidilfitri di obitua diti, oponsol nogi’ montok dati’ momusorou diolo’ i amu’ songkuro kinonosipon.
“Miampai sunduan ‘bersedekah’ om kolisihan i po nogi’ iso’ rati Aidifitri, kanou tokou no popotunui longon miampai ginawo di poingukab monguhup diolo’ i momoguno. Kalansanan dati’ oinsanan minggisom om monokodung tiso’ om tiso’, monginggirot sunduan doun mogigiyon om pisompuruan i poinsuang id karamaian diti.
“Id pamaramaian Tadau Raya Aidilfitri, kada’ tokou lihuai do monongkounsikou di ginaras om tinoboi tokou po’ompus wulan Ramadan.
“Ontok mogkodos om monorisid tinan diti mogowit dati’ lobi kosomok kumaa ‘iman’, koposorou di koponsolon otoboi, ginirot ginawo om pomurotian,” ka disio.
“Id koobian do koporintaan pogun om paganakan, orohian oku mamasok Kounsikahan Tadau Raya Aidilfitri, ‘Maaf Zahir om Batin’ kumaa oinsanan Muslimin om Muslimat di mamaramai,” ka disio kawagu.
