PAPAR: Mogigiyon id watas diti kotoguang kakasahan pangaba’ waig nosusuhut pinonomponan naamot Loji Pongubatan Waig EWSS Papar.
Koupisan Waig Pogun Sabah (JANS) pinopoilo do koponomponan dilo’ gama-gama’ di kinolobouon waig baang di akawas, i kopongumpadan karaja’ pongubatan waig.
“Timpu kakasahan diti koinaru gisom rontob linobou waig baang koguli’ id rontob ‘normal’. koiyonon di aantakan do kakasahan pangaba’ waig, om karaja’ koponondulianan pangaba’ pikikiro poindalanon do mogisuhut-suhut soira’ otonduli’ koyuon,” ka do JANS id kointalangan di tadau baino’.
Mogigiyon i ohompitan pokionuon do popoopi’ waig di korungod om momoguno pangaba’ waig miampai mogkikit po’ompus timpu kakasahan diti.
