KOTA KINABALU: Pulis masaan popoindalan ponoriukan montok mongintutun om manahan notondosan (suspek) i nakaampai id kaantakan kopogundorokan kopomusalaan id Kakadayan Telipok, Menggatal. Kinaantakan dilo’ tiniip id songinan video kininaru 36 sikon i noondo diti nokotonu’ id media sosial TikTok.
Luguan Pulis Watas Kota Kinabalu, Asisten Komisionar Kasim Muda minoboros, kes diti soriukon id siriba’ Seksyen 506 Kanun Keseksaan.
Ka disio, kinaantakan naantakan di ko 28tw Kohopod om Duo 2024, kikiro jaam ko 2.28 sodopon.
“Id kinaantakan dilo’, songulun kusai kiumur 26 toun nundoronok di songulun suspek kusai amu’ otutunan. Suspek minomoguno sanwatang kayu kininaru kikiro 20 inci montok mongundorosi di nohompitan,” ka disio id kointalangan di tadau baino’.
I Kasim pinopointalang do kinaantakan dilo’ nokotimpuun soira’ di suspek pinapapanau miampai kopoligogon om minonogulu padsakaian di nogompitan, somok nokoowit kinoligaganan. I nogompitan naranaban om pinopouni hon. Amu’ alaid dilo’, id lorong Kakadayan Telipok, i suspek pinopoundorong padsakaian dau id tanga’ ralan do minanalob di nohompitan.
“Suspek talib dilo’ luminabus mantad padsakaian dau miampai minongowit kayu dilo’, pinapaakang kuminaa di nohompitan om minoboros, “Kau kenapa? suka hati saya mau pandu laju, awas kau!”,” ka disio.
I Kasim minamason nogi’ do tulun ginumuan mooi toririmo momusus do kopurimonan montok mongilag nunu-nunu kaantakan amu’ kasagaan, lolobi no kopongundoronokan kopomusalaan.
Pulis minokianu tulun ginumuan i kiharo kointalangan kopohompit kaantakan diti do mulai monguhup ponoriukan.
