Razeef Rakimin
PETALING JAYA: Koporintaan Pogun Sabah kiguno tumorina’ miagal toririmo om manahak kosiwatan kumaa bohogian kikuasa’ monoriuk totondos susuap kohondot lalansanon dau.
Tumanud Utusan Malaysia, Luguan Kopointalangan PKR Sabah, Razeef Rakimin minoboros, iti oponsol montok kaadangon pulitik om kosunion ikonomi pogun dilo’.
Om nogi’ ka disio, ponoriukan kiguno poindalanon gisom diolo’ i kisala’ adawa om ontokon laang undang-undang.
“Koporintaan Madani i okodou id kagagaan bato susuap amu’ mongumolig nombo-nombo bohogian i poinggompit. Bohogian kikuasa’ om Kotinanan kuut posimbayan popoindalan ponoriukan om kapangadangan di poinpatut.
“Mantad dilo’ pologoson koporintaan pogun koindalan miagal toririmo mooi do palan om kopoindalanan tongo’ projik nogi’ kaparagatan ngaawi’ id kapanamangan kotundunan mogigiyon aanu popoindalan oturundus,” ka diiso, id iso’ kopointalangan di konihab.
Pogulu diti haro kopononsogan mooi di Boyoon Montiri Sabah, Datuk Seri Haji Hajiji Haji Noor mongiliu karaja’ nosusuhut ‘skandal’ susuap i tondoson kopohompit puru pulitik id pogun diti.
