Dr. Joachim (gibang) om Dr. Jeffrey minitabi’ om poingintong ilo’ puru ngaawi JLC.
PENAMPANG: Parti Bersatu Sabah (PBS) om Parti Solidariti Tanah Airku (STARSABAH) lumaang kumaa toguang miampai palan om karalano’ di atalang maya’ piuhupan pulitik diolo’ do monigampot kalantaion agayo id Pomilian Agayo Pogun (PRN) obontol.
Id mitingan Kounsol Kopomuruanan Miampai (JLC) koduo i pinapanau di tadau baino’ id longkod upis STARSABAH, miniboros yolo’ di kogunaan montok popogoris posodiaan PRN om mongilo tindikohon di ingkakaton.
Wookon haal agayo i pinibabarasan nopo kogunoon monginggirot piuhupan id nayatan siriba’ doid nayatan bohogian om monuridong pakakaraja’ pomilian agayo.
Ponowoli Presiden PBS, Datuk Seri Dr. Joachim Gunsalam om Presiden STARSABAH, Datuk Seri Dr. Jeffrey Kitingan otumbayaan do piuhupan pulitik pialatan goduduo parti dilo’ koposili diolo’ iso’ kuasa’ di ogirot.
JLC kaakun nogi’ montok mamalan manifesto goduo i kopokiro visi PBS om STARSABAH di miulud, kopiongoi di manifesto Gabungan Rakyat Sabah (GRS).
JLC turut bersetuju untuk merangka manifesto bersama yang mencerminkan visi PBS dan STARSABAH yang sehaluan, selaras dengan manifesto Gabungan Rakyat Sabah (GRS).
PBS om STARSABAH pinoposotol tonggungan diolo’ montok papatantu’ piuhupan diti kouhup kumaa kalantaion agayo GRS id PRN.
