Hendrus Anding
KOTA KINABALU: Monguhup Montiri Pomutanaman, Ponginsadaan om Pomorunan Taakanon, Datuk Hendrus Anding minoboros, pangaba’ parai montok kilang parai i haro id Papar nopo nga’ mantad watas Papar om Membakut.
Ka disio, aiso’ bibit parai pinaaba’kumaa kilang parai id watas Papar.
“Koupisan Pomutanaman Sabah pinapaaba’ no do bibit parai nookunan kumaa nopo momumuranau di poinhompit id Skim Kopolobusan Bibit Parai Osonong,” ka disio id pitimungan Lintuhun Undangan Pogun (DUN) Sabah di baino’.
Minonimbar isio ponguhotan lisan di Mohd. Tamin Zainal (Pantai Manis) i minuhot om hombo tadon pangaba’ bibit parai montok kilang parai i haro id Papar sabab watas dilo’ okurian no do kaparagatan mananom parai.
