Haji Hajiji Haji Noor
KOTA KINABALU: Boyoon Montiri, Datuk Seri Haji Hajiji Haji Noor di tadau baino’ pinapahabar do Kabinet Pogun nakaakun di koponguludan gaji surupukaraja’ koporintaan pogun id duo fasa kopiongoi di kinopoindalanan Sistom ‘Saraan Perkhidmatan Awam’ (SSPA) do ko 1tw Kohopod om Duo.
Luguan Montiri, Datuk Seri Anwar Ibrahim pinapahabar di ko 16tw Kowalu’ katatalib do SSPA pongolon di Skim Saraan Malaysia (SSM).
Ka di Hajiji, koponguludan gaji kumaa soginumu’ 21,228 pakakaraja’ koporintaan pogun dilo’ maan poindalano’ do ko 1tw Kohopod om Duo (fasa kumoiso’) om 1tw Koiso’ 2026 (fasa koduo) miampai kopohompit kopoobian koinsanai RM103,020,059.66.
Hajiji minoboros, Kabinet Pogun nga’ kaakun montok mongulud rontob gaji pakakaraja’ naamot tadau-adau pogun kumaa bobos osiriba’ RM`,725 sombulan nogi’ koponginsonongan koundaran di poinharo mantad mimpuun ko 1tw Kohopod om Duo.
Koponguludan gaji montok 2,116 pakakaraja’ naamot tadau-adau kopohompit kos soginumu’ RM46,096.140.
“Ginumu’ koinsanai kopoobian montok koponguludan gaji surupukaraja’ koporintaan pogun om pakakaraja’ naamot tadau-adau nopo RM149,116,199.66,” ka disio kawagu.
Koponguludan gaji dilo’ nopo nga’ kokitanan kopongokunn koporintaan pogun kumaa kouhupan pakakaraja’ surupukaraja’ koporintaan pogun om pakakaraja’ naamot tadau-adau kumaa ababayan kopoburuan pogun, suai ko’ monguhup monginggaan kos kosukupan masi tadau-adau i mawas-kawas, ka disio id kointalangan di tadau baino’.
