Hajiji (koonom, wanan) miampai tinonudan SYBIL om SEAC.
KOTA KINABALU: Boyoon Montiri (KM), Datuk Seri Haji Hajiji Haji Noor mongunsikou ‘input’ mantad tinimungan angabaal omulok montok monguhup id koponuridongan ‘dasar’ (katatapan).
“Momoguno tokou input abaal om pomusarahan wagu diolo’ montok kumaa sogulu om ralan bobos osonong tokou kaanu popoburu’ Sabah,” ka disio soira’ rinubaan tinonudan Momuruan Pongindopuan om Pomorunan Omulok Sabah (SYBIL) id Sri Gaya do hiti, di tadau baino’.
Hajiji nonuan kopointalangan di Wong karait palan karaja’ dasar SYBIL.
Id pinirubaan dilo’, Boyoon Montiri nonuan nogi’ kopointalangan karait do palan karaja’ dasar SYBIL montok momuruan pongindopuan om pomorunan omulok dii James Wong i minomuruan tinonudan SYBIL.
Wong pinopoilo di Boyoon Montiri do SYBIL kiharo piromutan kikiro 200 mongindapu’ omulok om momuruan pongindopuan i nakalantoi poinsodia’ monguhup Koporintaan Pogun.
Nokotindapou nogi’ id mitingan dilo’ tongo’ puru Kounsol Monontuduk Ikonomi Sabah i binuruan di Tan Sri David Chu.
