Hajiji (tanga’) minonorikohon Mitingan MTMD Nayatan Pogun Sabah Bilangan 1 Toun 2024.
KOTA KINABALU: Boyoon Montiri, Datuk Seri Haji Hajiji Haji Noor mokianu sokodung toinsanan puru mogigiyon umampai manangod dadah i po nogi’ ponokosangod kumoiso’ pomogunon, montok timpu dumontol sukod wagu, kasasanangan mogigiyon om koburuon pomogunon.
Ka disio, tonggungan om kogompitan aparagat toinsanan bohogian id koponoibahan kobolingkahangan pomogunaansala’ dadah, barang om panansalaan sosial sugaton kopio om oponsol montok monigampot angkab koporintaan do monuluk Dadah Terkawal 2025.
Ka disio, kalantaion montok mamagampot Dadah Terkawal 2025 momgouno sokodung om pogiuhupan karaja’ mantad oinsanan boogian kosuul no Kounsol Tindakan Membanteras Dadah (MTMD) Nayatan Pogun om Watas, lalansanon pulitik om mogigiyon, tongo’ luguan koupisan, Kotinanan Antidadah Kebangsaan (AADK), Pulis Diraja Malaysia (PDRM), mogigiyon nokoyonon om nogi’ NGO.
“Ontok toun 2024, AADK pinoposodia’ palan om ‘Key Performance Indicator (KPI)’ di atalang om pointopot kopuli do koinsanai kaganaan lugu’ ilo’ nopo nga’ Ababayan Pongusapan om Pomolingosan, Pongilagan om Kopogirotankuasa’ montok papatantu’ sondikoton om karalano’ agayo id inggisaman mongingkuri’ rontob panagih dadah i potuu panagih wagu toi panagih mihuhulit montok monigampot Dadah Terkawal 2025 aanu papalantoi,” ka disio.
Minoboros isio dilo’ ontok minonorikohon Mitingan Kounsol MTMD Nayatan Pogun Sabah Bilangan 1, Toun 2024 id upis disio doid Menara Kinabalu, do hiti di tadau baino’.
Hajiji minoboros, MTMD naanu pinopoindalan id 28 watas di toun 2023 kaampai kinoposilihan 28 Ponorikohon Puruankuasa’ Pomolingosan Dadah Watas (JKPD) om Sukarelawan Antidadah (SKUAD) Watas i nosili pogura’ mogigiyon doid koponguhupan AADK kosuul no id Ababayan Pongusapan om Pomolingosan Saalom Mogigiyon (RPDK) nogi’ Ababayan Pongilagan om Kopurimanan Ginumuan.
Pinosotol disio do kinorikotan kuminaa Mitingan MTMD nopo nga’ patatapon om Ponorikohon MTMD Watas kiguno papatantu’ tikid luguan koupisan id nayatan watas, kotindapou doid tikid mitingan miagal di pinatantu’.
“Iti nopo nga’ karaaralanon tokou montok ‘check and balance’ laang om kopoindalanan tikid kootuson mitingan di nopogiokunan toinsanan. Kalantaion montok mamagampot Dadah Terkawal 2025 momoguno sokodung om kouhupan kapapanahan karaja’ mantad toinsanan boogian,” ka disio pinoposotol.
Merota (Tawau) om Tuarid Taud (Keningau) pinotomou
Minoboros i Hajiji, toun diti duo watas kiguno tingkananon montok potomohon mantad pomogunaansala’ dadah ilo’ nopo nga’ Merotai (Tawau) om Tuarid Taud (Keningau) miampai Upisor Watas Keningau om Presiden Kounsol Kakadayan Tawau sinili sabaagi Mongungulud Koiyonon Kirisiko Akawas (KBT) id nayatan watas.
“Kalansanan ku kopio Upisor Watas sabaagi Ponorikohon MTMD Watas kaanu umampai mamalan kapapanahan karaja’ kumaa kopotomohan kinoiyonon sompoopori om manahak koposotolan miampai pointootopot di inggisaman ngaawi’ monimporon naangayan kopotomohan KBT diti.
“Naamot duo koiyonon suai ilo’ nopo nga’ Penampang (Kota Kinabalu) om Balung (Tawau) id kopoindalanan kopotomohan maan papanaho’ do toun 2025 mooi do kobolingkahangan koponogihan om kapanansalaan sosial id pogun diti aamu’ manamong,” ka disio pinoposotol.
Nokotindapou nogi’ id mitingan dilo’ i Montiri Koburuon Mogigiyon om Kasasanangan Mogigiyon Pogun, Datuk James Ratib; Monunurat Koporintaan Pogun Sabah, Datuk Seri Sr. Safar Untong; Luguan Potunud AADK, Sutekno Ahmad Belon om i Potunud AADK Pogun Sabah, Nani Sikin.
